GIRYAN: LE NÊWAN QALE MERE Û MÎR MEHMUDÎ BABAN DA

GIRYAN: LE NÊWAN QALE MERE Û MÎR MEHMUDÎ BABAN DA

Cebar Cemal Xerîb

Lem witare da hewll dedem şitêk le ser huzn û giryanî qûllî her takêkî kurd billêm, bo eweş pena bo sê aliyet debem.Yekemyan: Tasanî her yekêkyan e (wata her takêkî kurd) beranber mosîqa û awazî pirrî huzn, Qale Mere wek nimûneyekî bala û nizîk bo mosîqay pirr huzn.Duwemyan: Aşkirakirdinî ew huzne ye le jiyan û derûnî take takey kurd da, Mîr Mehmudî Paşay Baban wek nimûne yekî takî kurd. Lêre da xom beqerzarî Cladius James Rich dezanim bo ew zanyariyaney le ser ew mîrey kurd le katî serdanekey bo Silêmanî le sallî 1920 le serdemî Fermanrreway Babanekan tomarî kirdûn, Mamosta Hemey Hemebaqî kirdûnî be kurdî.Sêyemyan: Ke berray min regî here qûllî giryan û xesaretî kurdî têy da ye, ewîş derkirdinî kurd e le herdû nîştiman ‘nîştimanî cugrafya’ û ser nexşe û ‘nîştimanî rûhî’.

Bêguman min hest be firawanî giringî ew babete dekem, belam bebê sûdî nazanim ke behoy çend riste û amajeyekî giring dergayek le ser em babete bikemewe. Deşa diwatir şareza û bîrmendan giryan wek çemkêkî giringî şunasî kurdî binasênin.

Demêk bîrim lewe dekirdewe boçî hemû kurdêk legell gwê lêbûnî le şimşalle pirr huzn û mîlankoliyekey Qale Mere tûşî têrraman û sersambûn debêt, eger bo lehzeyekîş bêt detasê. Ew awaze filat û yekaraste û pirrgiryane, le kwêy takî kurdewe serçawe degrê? Erê, berast ewe her henasey piyawêkî pirr şiko û be temene, ke kunî qamîşêk awazêkî pêdebexşê? Ewe tenha semay çend penceyekî wişk û zibr e, sîhrêk lew parçegoşte dekat ke nawî dille û ta piley westan hêminî dekatewe? Min hergîz giryan û lawandinewey ew afrete gencem bîr naçêtewe, ke bo mirdinî mêrdekey degutin, ewe sî û ewende sall e be ser ew lawaneweye da têdeperrê sîmay peşokawî ew jine û dengî bêendaz pirr xefetî ew jine ke payize payizey degut, naxim radeçillkênê. Ew kate, ew denge tenha wek mindallêk deytasandim û regî giryanêkî qûllî le qûllayî bîrkirdinewem da deçand.

Emrro depirsim, erê ew giryane tenha giryanî jinêk bû bo mêrde koçkirduwekey? Erê ewe tenha xefetî ledestçûnî kesêk bû? Erê ew ‘payize payizey’ bo lehzeyekîş asmanî willatekey çoll nekird tenha lawaneweyek e bo piyawêk ke le katî karkirdin da mirduwe?

Min hîç le lawanewekanî ew afrete Germîyane tênegeyiştim ke lew perrî dinyawe, le qullayî bêbinî Germîyanewe berew Rûm dehat, ew afrete hemû kes Enfalkirawe bê ewey bizanê kesêk gwêy lêgirtuwe, bê ewey bizanê kesêk agay lêyetî, lew perrî terîkî û tenhayî xoy da, sedayekî denard bê mollet û ruxset, tûndtir le Gerdelûlekanî Katrina û erzhejênekanî tisonamî hemû awedanîyekanî naxî kurd Xapûr dekat, biyabanêk le meynetî le rûhî da dexullqênê.

Hemû ew pêşekiyem bo ewe ye bigem be rastîyek yan qena‘etêk ke şînî ‘Enfal’ şînî kesûkarî winbûwe ledestçûwekan e, şînî çend kesêk e ke carêkî dîke azîzanyan nabîninewe? Germî ew şîne hesretî çawerrwanîyekî bîst salle ye? Giryanêke bîst salle çawerrêy teqînewe dekat? Mêjû eweman pêdellê ke jiyan le însan nizîktir e ta mirdin, hemû rûdawekan ewe aşkira deken ke diway kost û nehametî însanekan dest be jiyan dekenewe wek hîç ruwî nedabê. Edî ew kostxwazî meylî şîngêrî ye le kurd da, le kwê we serçawe degrê? Ewe kurde tiwanay bergegirtinî karesatî nîyew hemîşe karesatekan legell xoy degêrrê, jiyan le xoy dûr dexatewe?

Min namewê le Enfal bidwêm, namewê le rûdaw û karesat gelêk bidwêm, tenha le biyaban û ser rojnamekan rûyandawe, biyaban lew perrî hêminî da, lew perrî tarîkî bêrrehmî da dillenakamill û însanesadekanî şardewe rojnamekan û kenallekanî rageyandin dîsanewe lew perrî bêrrehmî da lew perrî fewza û serşêtî da dillebrîndar û kesebecêmawekaniyan pilîşandewe.

Min demewê le Enfalêk bidwêm, le tirsêk bidwêm kurd le qûllayî zeynî da deybînê, tirsêk le t‘erîf nehatuwe, tirsî lêkdabirranî dayk û korpe, pîr û genc, tirsêkî qûllî lêkdabirran lew perrî ‘eşq û xoşewîstî da.

* Ewende pêmekene xirap e.
* Erê xizmîne hergîz tekbîr meken xirap e.
* Dillim naye pirr be çawim seyrî korpekanim kem.

Sedan riste û gutey pirr tirs û nawmêdîsedan tika û agadarkirdinewey pirr le giyanî lêk dabirran û yektir nedîtinewe.

Rûhî Enfal, Enfal be manay lêkdabirran û pêçanewe, Enfal be manay letkirdin û bizirkirdin, Enfal be manay zebr û zeng û toqandin hênde be qûllî regî le naxî yadewerî kurd da kutawe, hênde bêrrehmane û dillrreqane pelamarî dawîn, hergîz ciyawazî nekirduwe le nêwan şa û geda da, le nêwan zana û nexwêndewar da, le nêwan xanedan û sepan da, ke mehalle hîç kesêk ta emrro tirsî Enfal rawî nenêt û hêndey regî jiyan lêyewe nizîk nebêt.

Hîndîyekan yan beşî here zorî kîşwerî reş, eger fermande bin yan fermanber, serokî willat bin yan zibillrrêj, eger mallyan be ser nan û zeytun û beharat da wêran bêt, yan her hîçiyan nebêt bîxon, ewe birsiyayetî wek dirrinde û Enfal hergîz le kollyan nabêtewe. Detwanî û zor be asanî perasuwe der perrîwekanî her kamêkyan bijmêrî, ke regî ew perasuwane le qûllayî birsîyetiyekî sextî mêjû da ye. Tirsî nezokî xak û wişkbûnewe û mirdin le birsan le naxî hemû goranîyekan û ferheng û kilturyan regî da kutawe, ew tirse çon le çaw nexoşêkî req helatû û zerdelle da diyar e, her be heman şêwe le çawî Endêrra Xandî cestey ew afrete serokeş da diyar bû.

Xemokîyek, hêminîmonîyek ke yekem barînî befr le dem û çawî xanimêkî Swîdî yan piyawêkî kamillî Danîmarkî yan kiçe gencêkî Finlendî be cêy dehêllê, xemokî dapoşînî willat be befr bo mawey şeş mang û ziyatirîş huz- nêkî hênde qûll le naxî her kesêkî danîştuwî ew willatane dirust dekat ke beranber hetawî sûtênerî rojhellatîş natwanin xoyanî lê rizgar ken.

Ba ew dû nimûney serewe (tirsî birsiyetî Efrîqa û xemokî kîşwerekanî befr) wek kelleke bûnî huzn lay kesanî dîke wergirîn. Min nazanim morkî ew huzn û mîlankoliyey kurd naw binêm Enfal, tirs le mirdin û lêkdabirran yan her nawêkî dîke, bellam dezanim Enfal le dergayekî ewende firawanewe hate naw ferhengî kurdî ke deşê xudî Enfal ‘1988’ yan newe be cêmawekanî le bîr biçinewe û nemênin, bellam manayî ferhengî-kilturî ew wişeye, hergîz le bîr naçêtewe û bo deyan rûdawî hawşêwe be kar dehênrêt.

Huzn le jiyanî rojaney Mehmud Paşa da

Mîr û paşa kurdekan, her çende hukimrranî willatî xoyan bûn û supa, salar û serbazyan hebuwe, her çend fermanyan dawe û yasayan derkirduwe, bellam le serdeme here zêrîniyekanyan da tirsî neman û tefr û tunakirdin û enfalkirdin le çawyan da rrengî dawetewe, her bo nimûne le mêjuwî nizîk da be tewawî le 10î Adarî 1820 da, wate 286 sall û 9 mang û rojêk pêş emrro (be rêkewtî nûsînî em witare), emrro ke to em witarey têy da dexwênîtewe, Cladius James Rich rojhellatnas û kurdnasî gewre, le ser zimanî Mehmud Paşay gewre û piyawî be desellatî serdemî xoy denûsê “Bem core geyiştîne koşkeke, ke derwazeyekî nizim û tesk û datepîwî hebû, be endazeyek pîs bû, lam wabê şayistey fermandarêk nebê”, em serince û çendan serincî dîke ke Mehmud Paşa le rûxsarî rîç da deyxwênêtewe, boye basî jûrêke dekate û wek biyanûyek be Rich dellêt “Xwalêxoşbûy bawkim, em jûrey dirust kirduwe, bellam pêwîstî bedestpêdahênanewe heye. Kê cêgayek çak dekatewe, eger bizanêt têy da nahesêtewe? Haka Turkekan, yan Êraniyekan, çend rojêkî tir wêranî dekenewe”.

Ew kate Mehmud Paşa, piyawêkî tendirust û be desellatî sî pênc sallan buwe, hîç hoyekî babetî amade nîye bo nawmêdkirdinî ew piyawe, cige le regî tirsêk, regî tirsêkî kuşinde û bêrrehm, tirsêk ke tenha desellat narûxênê, tirsêk ke tenha giyanekan dirwêne nakat, na ewe sîmay tirsêkî zor nizîk e, ewe sîmay hêrişêkî berdewam e, hêrişêk derwazey şar û derwazey mallekan û derwazey hukimrranî wek yek wêran dekat, hêrişî ew celladaney hergîz bîr lewe nakenewe ke qurbanî mafî bergirîmafî skalaَkirdinî heye, mêjû têdeperrê celladekan be heman sîmawe, bellam be nawî ciyawaz bo ême be cê dehêllê.

Tirsêkî nihênî nahêllê paşay willat dest be jûrekey da bihênê, nahêllê derwazekanî çak katewe, her ew nihênîye Mehmud Paşa le jiyan û genciyetî-hukimrranî rasteqîn e destênêtewe û teslîm be zîndanekanî dînî dekat.

Lêrewe dîsanewe depirsim ew xeme qûlley Mehmud Paşa bo mindalle sê sallanekey, ew dilltengî û kesere tenha hoyekey ledestdanî mindallekeyetî ke be ‘nexoşî lerizuta’ mirduwe? Carêkî dîke dawa le Rich dekem bo ewey yarmetîm bidat û ew ‘huznem’ wek xoy bo bigêrrêtewe.

“Diwênê êware, diway karesateke (wate mirdinî mindallekey Mîr Mehmud), çûbuwe herem, mindallêkî birazî be wişey ‘babe’ bangî kirdibû, dengî ew mindalley nawekey hênabû lewe girantir bû bitwanê bergey bigirê, boye qîjandibûy, kewtibû be dem da û le hoş çûbû. Richtişrînî Yekemî 1820.” Her şêwekarêk curetî ewe bikat wêney Mîr Mehmud bikêşê, debê tiwanay ewey hebê, xemgînîyek, huznêk be qûllî mêjû, be baristeyî sê sed sall barîn le çawanî da pîşan bidat. Hergîz ew qîjandine, qîjey bawkêk nîye bo mindallekey, ew payize payize lawaneweyek nîye bo kesêk, awazî şimşallekey Qale Mere semay çend penceyekî pîrellok nîyeewane her hemûyan raweşandinî nihêniyek in, nihênîyek nizîk û le bose da, nihênîyek nek tenha le regî mirdin nizîktir e, bellku le regî mirdin xawen heqtir.

Kurd yekem netewe nîye tûşî tirsî Enfal û bizirkirdin bûbê, bellku yekem netewe ye ew çarenûsey be serda helaَll kirabê. Yekem netewe ye be dirêjayî mêjû, be mirroşewe, bizirkirdin û Enfalkirdin û dagîrkirdinî helall bêt. Rast e le pişt wişey helallewe rewayetîyekî ayînî heye, wata helall destewajeyekî dînî ye, bellam min lêre bew manaye be karîdênim ke qurbanî hîç mafêkî bergirîkirdin û narrazîbûnî nîye. Berx çeqoy le ser e, ballinde çeqoy le ser e, wata her kam le wane hellal in seryan bibirrî, wata paraneweyan bergirîkirdin le serbirrînî merrêk le kilturêkî dînî baw da hergîz binemayekî aqilane yan ‘adîlaney’ nîye. Tirsî kurd, tasan û xemzedebûnî, tenha le helallkirdinî ‘bizirbûnî da ye’ nek le mirdin.

Felsefe
Yan hîkmetî barimte
Mîr Mehmud wate Mehmud Paşay Baban ke le serwextî geştekey Rich da mîrî îmaretî Baban buwe, barimteyî xoy awa bo Cladius Rich degêrrêtewe: “Katê le Kirmaşan le birî bawkî Xwalêxoş bûm barimte bûm, bawkim le ber rûdawekanî rojgar naçar bû hawkarî Turkekan bikat. Bem core jiyanî minîş kewte metirsîyewe, şazadey Kirmaşan şewêkyan daway kirdim bimkujê. Minyan be dest bestrawî bo bird, şazadeş xo le heywanêk da danîştibû, nawerrastekey pir bû le momî dagîrsaw, celladîş be pêwe sazu amade westabû, bo becêhênanî karekey, boye eme dellêm çunke zorbey ewaney le meydanî şeref da be dest bestrawî debirêne berdem cellad tirs dayan degrê, be rastî dîmenêkî tirsnak bû. -Ya Xwa neybînît-”. Mîr Mehmud pêş ewey bibête paşay Baban, pêş ewey gewre bêt û le siyaset bigat, pêş ewey azad bêt û jiyan binasê, barimtebûnî nasîwe. Ew mindalley le berdem şîrî cellad westawe, ew mindalle bê hêz û bê desellat û bê gunah e, tenha mindallêk nîye ke le cesteyekî çend kîloy da ye, bellku ew mindalle rûhî barimteyî gelêk e, îradey barimteyî gelêk e, çarenûsî barimteyî gelêk e, le berdem şimşêrî cellad da barimteyeke neheqî skala û neheqî qisekirdin û neheqî pirsyarî heye. Têgeyiştinî ew tenha legell cellad da ye, ew detwanê tenha yek take peywendî bidozêtewe lew hawkêşe alloze da ewîş peywendî nêwan ‘milî bêhêz û barîk’ û ‘şimşêrî tîjî’ celladeke ye. Lêre da cellad û barimte dû kayey naw hawkêşeke nîn, dû edat nîn bo çareserî kêşekan, ewan herdûkyan wek yek dû lubok in bo tollekirdinewe.

Min lêrewe têdegem, giryan û huznî Mehmud Paşa bo mirdinî ‘mindalle sê sallanekey’ nîye, bellku giryan û hawarêkî tecîlkiraw e, le şewî barimteyekeyewe, le qûllayî mêjuwewe.

Emrro Qale Mere hîç nakat, hunerî ew tenha gwastinewey hawar û nalley Mehmud Paşa ye le hêminî da, tenha ew awaze, tenha ew pencepîrellokane detwanin qîje û giryanêk bikene zemenêk bo teemul û tasan.

Ewey lew çîroke û lew parçeqamîşe û le lawaney payize payize destman dekewê, ewe ye ke ta emrro rûhî mindalle sawakey kurd, rûhî birryardan û girêy çarenûsî kurd le şiwênêk barimte ye. Deşê emrro ew t‘erîfe gorrabê, tiwanay birryardanman barimte bê, ta emrro rûhî ew mindalley kurd le sinduqe leşkan nehatuwekanî Bexda da ye, ew sinduqeş pirr hîkmet û pirr nihênî, pirr tirs e eger bişkewête dest kurd, bemanay ewe naye rûhiyetî barimteyman rizgar debê, nexêr, Bexda weku şiwên û weku desellat weku xawen heq û qiseker wek şazadekey Kirmaşan take birryarder e.

Rûhî barimteyî peragendeman emrro le Enqere ye, emrro le Taran eher be heman araste û her be heman wata. Cestey bexoll buwî enfalkirawekan tenha le ‘er‘erî ‘Erebistanî Si‘udiye nîye, tenha le biyabanekanî Nugireselman û semawe nîye, bellku ewc ceste enfalkirawane bebê ewey rizî bin yan bûbine xoll emrro le sinduqe nihêniyekanî Turkiya û Êran dan.

Belatanewe seyr nebêt ke le hemû paytexte be desellatekanî dinya, paytexte pirr şiko û razawekan, paytexte pirr lezetekan beşêk le rûhiyetî barimteyî kurdyan laye, lew dî û şeqame razawekanyan, le qullayî jêrzemîne tarîkekanyan, Mehmud Paşayekî mindall, Mehmud Paşayekî herzekar zîndanî ye eger sê sed sall pêş êsta, şazadeyekî Kirmaşan tiwanîbêtî rûhî barimteyî kurd le cestey Mîr Mehmudî mindall da bibate jêr şimşêrî cellad, ewa emrro her siyasetmedarêkî Estenboll, her axundeyekî bedesellat û her bîkerêkî Emrîkayî zor be asanî detwanê ‘rûhî barimteyî kurd’ berêtewe jêr şimşêrî heman cellad ke tiwanayekî hezar hênde û şimşêrêkî le mû barîktirî heye.

Nîştimanî duwem
Yan nîştimanî rûh
Yekem pênasey însanekan, le seranserî dinya ‘nîştiman’ e, nîştiman yan willat le mana giştîyekey da, hellgirî komellêk delaletî kilturî, dînî, siyasî, neteweyî ye, to le kam willatewe hatuwî? Willateket nawî çî ye? Regeznamey çi willatekêt pê ye? Hemû ew pirsyarane demanbenewe ser ‘nawî willatek’ yan ‘nîştiman’ ke deşê le ser nexşe be çend hêllêkî sûr le tewawî dinya ciyakirabêtewe, wata ew ‘nîştimane’ nîştimanêkî berceste û madî ye, ew nîştimane, willateke cugrafyayekî diyarîkirawî heye. Ew willate ‘cugrafyayey’ le ser nexşe diyarî dekrê, ew nexşeyey peywendîyekanî dinya rêkdexat û serokî heye û dewllet berrêwey debat û hawwilatiyanî têy da dejî, netewe îlanî wicudî xoy têy da dekat, ew kayine pirr sîhr û nihênîye gewretirîn û pirr huzntirîn şikestî kurdî têy da berceste buwe, winbûnî cugrafyaş gewretirîn winbûn û bizirbûn û Enfal e be zimanî emrro ke mêjû dîbêtî. Şikestî gewrey kurd le şikestî cugrafya da ye, nebûnî cugrafya, yan bizirbûnî hîç peywendî bewewe nîye ke to xak û willat û çiya û şar û ladêt nebêt, hîç peywendî bewewe nîye ke to rêga û ban û rûbar û serçawey newtî kanzayit nebêt, bellku tenha û tenha peywendî bewewe heye ke to çend hêllêkî sûrit nebêt ke le ser nexşe willateket bo ciya bikatewew nawî binê.

Min lêre da û lew lehzeye da wek kurdêk le qûllayî mêjuwewe hatibêt ew şikeste gewreyey cugrafyam pê qebull nakrê, lêrewe biryar dedem ew dorrane gewreyey kurd, le naxî mêjuwî xoy da qerebûkemewe. Bêguman dezanim çi erkêkî qursim le ser şane, qerebûkirdinewey dorranî nîştiman û willat le ser pantayî cugrafya, bellam hewll dedem her le naxî mêjuwî nizîkewe bew qerebûkirdinewe giringe bigem. Boye her lêrewe ewe radegeyênim ke hemû însanêk dû nîştiman, yan dû willatî heye ke giringî hîçiyan le wî dîke kemtir nîye.Yekemyan: Ew çend hêlle sûrey ser nexşe ye ke ême wek kurd têy da dorrawîn û nîmane.Duwemyan: Nîştimanêkî firawan û bêsinûre ewîş ‘nîştimanî rûh e’. Rast e nîştimanî rûh, willatêkî bêsinûr e, bellam bê t‘erîf nîye, min lew rojewe dest pê dekem ke dîn tewawî pantayî ew nîştimaneş dagîr dekat û be taybetî ew rojey ke kurd ‘Îslam dekate nîştimanî xoy’, nîşti- manî rûhî babetêkî fire giring û fire firawane, demewêt le dahatû da serbexo witarêkî têr û pirr le ser nîştimanî rûhî binûsim, bellam lêre da min tenha lew layeney dedwêm ke bo em babetem pêwîst e.

Kurd lew rojewey Îslam qebull dekat nebote xawenî dewlletî bawerpêkirawî xoy, le ser nexşe, ew xewney birde naw nîştimanêkewe ke le rûhî da hebû, îradey xoy teslîmî ew nîştimane dekat, peywendî kurd be Îslamewe peywendîyekî rûhî ye, ew xelîfe û sulltanekan wek serwer û serkirde û cênşînî pêxember temaşa dekat û bew araste û asteş xoşî dewên û gwêrrayellyane, çunke ewan be hemû tiwanayanewe nîştimanî rûhî kurdyan kontrroll kirdibû. Hemû netewe xawen bawerî û musillmanekan le yekem furset da dewlletî xoyan dirust kird û xoyan le nîştimanî gewrey rûhî ciya kirdewe, nîştimanî be hêllî surewey ser nexşeyan le hemû nîştimanêkî dîke be girîngtir û xoşewîsttir zanî. Her le ‘Fars û Turk û Efxan’ û ta degate Ozbek û Elban gewretirîn hewllekanyan û qurstirîn şerrekanyan le ser ewe buwe ke dewlletî xoyan hebê yan hemû musillmanan le jêr sayey ewan da bin. Tenha kurd bewe razî buwe dest le nîştimanî xoy hellgirê, bîr le dewllet û serbexoyî nekatewe bellam ême dezanîn nîştiman birîtî nîye le şax û şar û doll be xellkekeşiyewe, na, nexêr, nîştiman tenha çend hêllêk e, çend hêllêkî sûr e ke le hemû dinyat ciya dekatewe. Kurd pişt lew çend hêllesûre dekat û nîştimanêkî rûhî gewre helldebijêrê ke take t‘erîfî ew nîştiman e, tiwanewe le naw Îslam da, qebullkirdinî yasa û binemakanî dewlletî îslamî baladest e. Ew nîştimaney qerebuwî willatî ser nexşey bo kurd dekirdewe, nîştimanî rûhî bû, her lêreweş giryanî qûllî kurd destî pê kird, giryanêk bo ledestçûn û bizirbûnî nîştimanekey bo ebed.

Sêyem xelîfey musillmanan ‘Usmanî Kurî ‘Effan’ bew perrî bîrtîjîyewe kitêbî pîrozî musillmananî be yek zarawe nûsîyewe û ew kitêbeş buwe destûr û t‘erîf û pênasey ew nîştimaney bawerrdaranî kurd le rûhî xoyan da têy da dejiyan.

Huznî here qûllî kurd ew roje dest pê dekat ke ew nîştimaney hêrişî dekrête ser û beşêk le pîroziyekey dexene jêr pirsiyarewe. Ew destûr û kitêbe bo her musillmanêk birîtî ye le sed û çwarde sûret, her sûretey binaxeyî dîwarêkî ew nîştimane ruhiyefirawane ye.

Lawanewey ew jinebirîndarey germiyan, ew jiney kes nazanê le çi goşeyekî dinya dejî, lawaneweyek nîye bo kurî û kiç û mêrd û malle le dest çuwekey ke hergîz nayanbînêtewe. Na ewe giryanî naxî kurd e wextêk lew nîştimane rûhiye derdekrê!

Eweş le katêk da ye ke sûretêk be hefta û pênc ayetewe hêriş dekate ser binema here serekîyekanî ew nîştimane rûhiyey kurd û wêranî dekat. Bew kare kurd wek tak û wek netewe lew willateş derdekrê ke wek bawerî û wek qerebû bo nîştimanî fanî ser kaxez dirustîkirdibû.

Îdî ew kitêbe pîrozey xelîfey sêyem bo hemû xawen bawerrêkî nardibû, be nuqsanî degate dest bawerrdaranî kurd û le ciyatî sed û çwarde sûret ten- ha sed û sêzde suretî degat.

Pirsiyarî here serekî ewe ye, lem nuqsanî, kemûkurîye dînî ye bawerrdarî kurd agadar e? Erê ew agadare bira dîniyekanî ewyan lew nîştimane rûhiyeş kirdote derê? Erê ew bawerrdare ewe dezanê ke nebûnî suretêk le kitêbe pîrozekey ew da, ew witeye retdekatewe ke dellê ‘emrro dînekem bo tewaw- kirdin’.

Min zor be daxewem katêk nîştimanî duwemî kurdim dozîyewe wêran kirabû, lew nîştimane rûhiyeş da kurd her berdest û perawêz û bêkes bû. Her eweşe demanbatewe ser sîmey binerretî em witar e, ewîş qûllbûnewey giryan e, tasanî hemûman e le berdem şimşallekey Qale Mere da, westanî ‘eqillman e le naw seday lawanewey jinanî germiyan.

Min her zû zanîm legell hawarî jinêkî temen penca salley Barzanî da, katêk temaşay kelûpelî gerrawî enfalkirawekanî dekird û deygut; “Ew doxîne hî mêrdekey min e, diwênê bû, diwênê bo xom, bom çinî” lew kate da lewe têgeyiştim ewaney lewê bûn her hemûyan mirdin, be rastî mirdin, tenha bo ewe henase deden ta cesteyan le rojgar da birizê.

Boye hemû awazêkî mîlankolî, hemû dengêkî pirr huzn ew laşe mirduwey naw kurd be aga dênê le dinyay dadebirrê.

tîpguhêzî: Erol Şaybak

GIRYAN: LE NÊWAN QALE MERE Û MÎR MEHMUDÎ BABAN DA

Vejandina Zimanê Îbranî

Nûrealîzma Îtalî, Yilmaz Guney û Hêvî

Tehlîlek di Peywenda Teorîya Monomîtê de li ser Çîroka “Meymûn Xanim û Mîrze Memûd”

Leave A Reply Cancel Reply

GIRYAN: LE NÊWAN QALE MERE Û MÎR MEHMUDÎ BABAN DA

Related Posts

Vejandina Zimanê Îbranî

Nûrealîzma Îtalî, Yilmaz Guney û Hêvî

Tehlîlek di Peywenda Teorîya Monomîtê de li ser Çîroka “Meymûn Xanim û Mîrze Memûd”

Leave A Reply Cancel Reply